CAMINANTES, VIAXEROS Y PELEGRINOS
L'Ayuntamientu de Llaviana acaba d'editar un nuevu folletu turísticu n'asturianu. Trátase de la Ruta Cultural "Caminantes, viaxeros y pelegrinos", que se desarrolla ente Llorío y San Pedro de Villoria.
Nél mesmu podemos atopar una amplia información sobre'l Camín de Santiago al so pasu per Llaviana y les construciones civiles y eclesiástiques más destacaes de les parroquies de Llorío y Villoria, como la ilesia de S. Martín de Tours de Llorío, la ponte de Puente d'Arcu, la ponte y la ilesia parroquial de S. Nicolás de Villoria, asina como una reseña sobre Fray Ceferino González, teólogu natural de Villoria.