La Oficina de Normalización Llingüística y la Conceyalía de Cultura del Conceyu Llaviana cola colaboración de los Centros Educativos del Conceyu convoquen el I Concursu Marcapáxines con motivu de la XXXVIII Selmana de les Lletres Asturianes, col títulu: “Muyeres asturianes escritores” cola intención de visibilizar la figura y producción lliteraria les muyeres escritores en llingua asturiana.
BASES:
1.
Van poder participar tolos alumnos y alumnes de los centros
educativos del conceyu de Llaviana. Cada participante podrá
presentar un únicu marcapáxines
2.
Establécense dos categories:
Categoría
1ª: alumnáu de 5u
6u
de
Primaria y de 1u
2u
de
Secundaria.
Categoría
2ª: alumnáu de 3u
y
4u
de
Secundaria y 1u
y
2u
de
Bachilleratu.
3.
Los trabayos han de ser orixinales ya inéditos, non presentaos con
anterioridá n'otros concursos, y los autores van ser responsables
del cumplimientu de lo fixao nestes bases.
4.
El plazu d'almisión de los trabayos entama cola recepción d'estes
bases y acaba'l día 2 de mayu de 2017 a les 14 hores.
5.
Condiciones
téuniques de los trabayos:
5.1.
Tema: “Muyeres asturianes escritores”
- L'escritu, un poema de les escritores o una cita que faiga referencia al tema escoyíu, pue dir acompañáu d'un dibuxu. El diseñu ha presentase nuna cartulina de color blanco de 21x5 per una sola cara o en formatu dixital (.jpg o .pdf).
- Nos formatos en cartulina, el nome, apellíos, cursu y centru escolar del participante han d'escribise pela parte d'atrás
- Nos formatos dixitales l'archivu .jpg o .pdf ha llevar el mesmu nomatu que'l del word onde han apaecer el nome, apellios, cursu y centru escolar del participante.
6.
Los orixinales presentaránse na Oficina de Normalización
Llingüística del Conceyu Llaviana (Centru d’Interpretación
Armando Palacio Valdés, Entrialgo), na Oficina d'Información de la
Mocedá nel CIDAN o nel corréu llingua@laviana.es
7.
Los marcapáxines ganadores van ser propiedá del Conceyu Llaviana.
8.
Establécense dos premios, ún por cada categoría. Los premios
consistirán nun llote de llibros pa cada participante premiáu; son
una donación de la Conseyería d’Educación, Cultura y Deporte
(Dirección Xeneral de Política Llingüística) y na edición en
papel de los marcapáxines premiaos.
9.
El xuráu va tar formáu por Itziar Montes Rubio, responsable de la
Oficina de Normalización Llingüística y Sonia Coto Sánchez,
responsable de la Oficina d’Información a la Mocedá.
10.
Del nome de los premiaos daráse conocencia al
traviés del centru educativu.
11.
La entrega de premios va tener llugar nel mes de mayu.
12.
El resultáu del xuraú nun se podrá retrucar. Participar
na convocatoria lleva inxerío aceutar perdafechu estes bases.